حقا نحن متعلمون بلا تعليم!
من كام شهر كده كان عندى كورى أتش أر اللى كان تبع كود 7
فى نهاية الكورس طلبوا مننا نعمل بحث عن
active learning
وكان ده بداية إنى أعرف معنى مهم أوى
إحنا يا جماعه مش بنكره العلم
إحنا مش بنكره المذاكره
ولا حتى بنكره الدكاتره
ولا الكتب المحشيه وبتتقطع من كتر أكل الطعميه عليها
إحنا بنكره طريقة تلقينا للعلم
بنكره طريقة مذاكرتنا لأن أصلا كل الناس بتقولنا
ذاكروووووووووووووووووا
لكن للأسف ما حدش قالنا
إزاى نذاكر صح
إزاى نذاكر عشان نبدع عشان نضيف حاجه جديده
عشان يكون لينا بصمه فى عالم واسع وكبير أووووووى
وبيتطور كل دقيقه
عالم الطب
للأسف طلبة طب هم أكتر الناس اللى يمكن وصفهم ب
متعلمون بلا تعليم
ذاكر ثم إمتحن ثم إنسى ثم...................
لا شىء
لو عملنا إستبيان لكل نوعيات الطلبه حتى الأوائل منهم
وسألته بتحب تروح الكليه ليه؟؟
أكتر من 90 فى المايه من الطلبه
هيقولوا
عشان الشوك إكزامز!!!
بتذاكر ليه؟؟
عشان عاوز أجيب تقدير
ليه؟
عشان أتعين
ليه؟
إممممممم
يمكن فى يوم من الأيام أبقى العميد
وعاوز تبقى عميد ليه؟
ثم يسود الصمت !!
الحقيقه وضع مؤسف ما نحن فيه
وأقل ما نفعله تجاه هذا الوضع
هو أن نعرف ما هو الوضع الصحيح للتعليم وكيف يكون
وما هى مشاكل تطبيق نظام
active learning
وكيفية مواجهة وحل هذه العواقب
لعل أحدنا تكون أمنيته أن يعمل أستاذا بالجامعه
فيضع هذه الطريقه فى التعليم نصب عينيه
ويجعلها هدف له يسعى لتحقيقه
مهما واجه من تحديات وصعوبات
فيكفيه شرف المحاوله
