السلام عليــكم ورحمــه الله وبركاته
مسلسل لحظات حرجه المشهور جدا هو عباره عن ترجمه للمسلسل الاجنبى الشهير
ER " EMERGENCY ROOM"
حقيقى المسلسل ده معمول بفن عالى اوى فى الاداء والتصوير والمضمون كمان
اهم حاجه عجبتنى فى المسلسل ده وكنت بتابعه علشانها بجد
هو انه بيجسد العلاقه بين الدكتور والمريض بطريقه جميله جدا
طريقه مفقتدينها فعلا فى اطباء اليوم علاقه بتقوم على اساس
الرحمه والمحبه والاحساس بمشاعر المرضى والاهتمام بحالتهم النفسيه
مش بس الحاله النفسيه المسلسل كمان كان بيتطرق للحاله الاجتماعيه والماديه للمرضى
احيانا كنت بحس انه فيه شويه من الخيال وان ده مبيحصلش فى الحقيقه
وبعدين قولت طيب حتى لو مبيحصلش ليه احنا منخليهوش يحصل بجد
ليه ميبقاش ده هو نموذج الطبيب اللى فى خيالنا واللى عايزين نحققه ونوصله
طبعا ده بالاضافه ان المسلسل بيقدم ماده علميه هايله جدااااا
كنت حاسه انى بسترجع معلوماتى معاه
وأضاف لى الكثير جدا والاهم انى استعديت نفسيا لممارسه الطب
وبحط اسس للتعامل مع اى حاله طوارىء
من الاخر اى حد مشافش المسلسل ده يدخل يحمله ومش هيندم ان شاء الله
4 comments:
جميل يا فرح
احسن حاجه انك تلاقى حاجه تستفيدى منها
:D
:D
ربنا يكرمك ياروز
لو مكنتيش شفتيه حمليه هيعجبك اوى
أنا فعلا مشفتش المسلسل ده قبل كده
ولا حتى سمعت عنه :blush:
بس بصراحه كلامك مشوق جدا
بإذن الله أنزله وأشوف
:)
سايلنس
ان شاء الله هنزله على سى دى
هو عندى عالجهاز
وهديهولك تشوفيه وان شاء الله هينال اعجابك
Post a Comment